Астанада бір отбасының төрт баласы иіс тиіп, ауруханаға түсті
Өрт екі қабатты жатақханада орын алған, деп хабарлайды informburo.kz
Астанада Ойыл көшесіндегі жатақханада болған өрт кезінде 2006, 2009, 2012 және 2013 жылы туылған бір отбасының төрт баласына иіс тиді, деп хабарлайды ҚР ІІМ ТЖК.
Өрт кешкі 21.12.болған. Жатақхана бөлмелерінің бірінде үй заттары мен жиһаз өртенді. Өрт сөндірушілер ғимараттан 10 адамды эвакуациялап, бір баланы құтқарды.
«Улы газбен уланған бір отбасының төрт баласы ауруханаға жатқызылды. Өртті сөндіруге Астана қаласы ТЖД жеке құрамынан 15 адам мен 4 өрт сөндіру техникасы жұмылдырылды»,-деп хабарлады ТЖК баспасөз қызметі.
Алдын ала мәліметтер бойынша, өрт электр сымдарының тұйықталуынан басталды.
