БҚО-да 100-ге жуық шетелдік нөмірлі көлік айып тұрағына жеткізілді
Батыс Қазақстан облысының полиция департаменті өткен жылдың қаңтар айында 10 мыңға жуық құқық бұзушылықтың жолын кесті және 55 млн теңгеге айыппұл салынды, деп хабарлайды БҚО ІІД баспасөз қызметі.
Қоғамдық тәртіп пен жол қауіпсіздігін қамтамасыз ету, көші-қон заңнамасының сақталуын бақылау үшін Батыс Қазақстан облысының полиция департаменті ағымдағы жылдың қаңтар айында 9 801 құқық бұзушылықты анықтап, жолын кесті. Бұл ретте жалпы сомасы 55 млн. 486 мың теңгеге әкімшілік айыппұл салу туралы 7 621 қаулы шығарылды. Бүгінгі күні азаматтар жалпы сомасы 30 млн.883 мың теңгеге 4 280 айыппұл төледі. Сонымен бірге, жазаның бұлтартпастығы принципін қамтамасыз ету шеңберінде «Автоураган» мобильді кешендерін қолдана отырып, көлік ағымынан иелері салынған айыппұлды төлеуден жалтарып жүрген және жалпы қарызы 1 млн.522 мың теңге болатын 92 көлік құралы анықталып, арнайы тұраққа қамалды.
Қазіргі уақытта көлік ағымынан «Автоураган» мобильді және тұрақты кешендерімен ҚР ЖҚЕ бұзушылықтарын тіркеудің автоматты жүйелерімен бекітілген Орал қаласының аумағында құқық бұзушылықтарға жол берілген шет мемлекеттерде тіркелген көлік құралдары анықталуда.
Ағымдағы жылдың қаңтар айында осындай автокөліктер ҚР ЖҚЕ 1027 бұзылды,оның ішінде 393 автокөліктен жалпы сомасы 5 млн. 169 мың 183 теңге айыппұл өндіріп алынды.
Маргарита Зябчук
