«Дәрігерлер мен полицейлер үшін» — 14 пәтерді жалға алу туралы БҚО әкімдігі түсініктеме берді
Барлық 14 пәтер бюджет қызметкерлері үшін жалға берілетін болады. Олардың жартысы медицина қызметкерлеріне қажет, деп хабарлады облыс әкімдігі.
ашық көздерден алынған иллюстрациялық фото
— Әкімдікте коммуналдық қордан пәтер бөлетін мүмкіндік жоқ, сондықтан заңға сәйкес, біз пәтерді қатысушылардан жалға аламыз.Осыған байланысты жыл басында мемлекеттік қызметкерлер, құқық қорғау органдары, пробация қызметі, қорғаныс істері жөніндегі бөлім қызметкерлері және денсаулық сақтау саласы қызметкерлері үшін 14 пәтерді жалға алуға конкурс жарияланды, — деп хабарлады облыс әкімдігінің баспасөз хатшысы Дәурен Сәкен.
14 пәтердің жетеуі Бөрлі ауданында көптен жұмыс істеп келе жатқан медицина қызметкерлері үшін жалға алынатын болады.
— Конкурс нәтижесі бойынша жалға алу құны өтінімнен төмен болады, сондықтан да лоттың жеңімпазы ретінде неғұрлым төмен баға ұсынған тұлға жарияланады, — деп атап өтті Дәурен Сәкен.
Бөрлі ауданы әкімдігі жалға алуды жоспарлап отырған 14 пәтердің жалпы сомасы 20,9 миллион теңге. Олардың ішінде алты айдан бір жылға дейінгі мерзімге жалға берілетін бір — екі және үш бөлмелі пәтер бар.
Мария Мельникова
