Орал билігі қаңғыбас иттерді аулау үшін 28 млн теңгеден астам қаржы бөлді

Орал билігі қаңғыған жануарларды аулауға бөлінетін қаржы көлемін арттырмауға шешім қабылдады. Жануарлар құқықтарының қорғаушылары бұл сома жеткіліксіз, ал оны пайдалану тиімсіз деп есептейді.

Рауль Упоровтың фотосы

2019 жылы Орал қаласының әкімдігі қаңғыбас мысықтар мен иттерді аулауға 28 млн 287 мың теңге бөлді. Бұл туралы Орал қаласы әкімдігі ветеринария бөлімінің ветстанция бастығы Абылай Мұқаев хабарлады.

— Біз қаржыландыруды ұлғайтуды өтінгенбіз, бірақ әкімдік қаржыландыру көлемін 2018 жылмен бірдей көлемде бекітті. Бізде қазір үш бригада бар, бірақ іс жүзінде екі бригада жұмыс істейді. Себебі, үш көліктің бірі тозған және шынымды айтсам, жүруінен, тұруы көп — деді Абылай Мұқаев.

Оның айтуынша, өткен жылы Оралда 5065 қаңғыбас ит пен 337 мысық ауланып, уақытша баспанаға жеткізілді.

— Бекітілген ережелер бар, олар бойынша біз баспанада жануарды үш тәулік ұстап тұрамыз. Егер осы уақыт ішінде иесі табылмаса, онда біз жануарды ұйықтатып тастаймыз. Мен бұл жануарлар құқығын қорғау жағынан біздің атымызға көптеген сын тудыратынын білемін,бірақ қолда бар қаржыландыру аясында бізде басқа амал жоқ. Мен тек өткен жылы біздің баспанамыздан 200 жануарды жануарлар құқығын қорғау жөніндегі түрлі қоғамдарға бергенімізді айта аламын. Олар өз кезегінде оларға жаңа қожайын тапты, — деді Абылай Мұқаев.

Ол күн сайын қала әкімдігінің ветеринарлық бөліміне адамдарға қаңғыбас жануарлардың шабуылы туралы 5-7 хабарлама келіп жататынын айтты.

— Бірақ біздің мамандар оқиға орнына келгенде, кенеттен иттің иесі табылып, оны бізге бермейтін жағдайлар жиі болады. Біздің қызметкерлерімізге шабуыл жасау фактілері де бар. Өткен жылы осындай 10 — ға жуық оқиға орын алып, бір жағдайда адамдар біздің машинамыздың терезесін сындырды, — деді Абылай Мұқаев.

Жануарлар құқығын қорғаушылар қаңғыбас жануарларды аулау үшін 28 млн. теңге жеткіліксіз деп есептейді және бұл қаражатты қала әкімдігінің ветеринария бөлімінің игеруі тиімсіз деп бағалайды. «Менің өмір сүргім келеді» қоғамдық ұйымы төрағасының орынбасары Олег Максимов, қаңғыбас иттерді аулау мен ұйықтату-бұл осы проблеманың себептерімен емес, нәтижесімен күресу деп есептейді.

— Мұндай қаражат қаңғыбас жануарларды аулауға бірінші жыл бөлініп отырған жоқ. Жыл сайын қаңғыбас иттер саны артып келеді. Нәтиже жоқ. Мен ауланған қаңғыбас иттер мен мысықтарды ұйықтатпай, зарарсыздандыру және чиптеу қажет екеніне сенімдімін. Стерилизациялау қаңғыбас мысықтар мен иттердің бақылаусыз көбеюіне әкелмейді. Чиптеу мұндай жануардың болашақ тағдырын қадағалау үшін қажет. Мысалы, панадан адам чипирленген итті алды. Оны жақсы ұстауға және тастамауға міндеттенді. Ал бір жылдан кейін бұл ит көшеде қаңғып жүрген жерінен табылды. Иттің құлағындағы бирканың арқасында иттің кімге берілгенін және кімді жауапкершілікке тартуға болатынын дәл анықтай аламыз, — деп есептейді Олег Максимов.