БҚО тас жолында 38 адам қар құрсауында қалды

Жолаушылары бар автобус «Тасқала — РФ шекарасы» тас жолында (Саратов тас жолы) қар құрсауында қалды. Құтқарушыларға боранда қалған адамдарға жетуі үшін екі сағат қажет болды. Құтқару операциясы жалғасуда.

Трассада жолаушылары бар автобустың батқаны туралы хабарламаны оқырман редакцияға кешкі 11-ге жуық жіберді.

«Шұғыл, SOS! Қатып барамыз, автобус және ондаған машина.ҚР кеден бекетінен Тасқала ауылына 10 шақырым жетпей, қар құрсауында қалдық. Жедел  құтқару қызметі, арнайы техника керек. 19.02.2019. Уақыты 21:50. Таратуларыңызды сұраймын», — делінген хабарламада.

Біз облыстың ТЖ департаментіне жүгіндік. Сағат 23: 15-те зардап шеккен адамдарға құтқарушылардың шыққанын хабарлады. 20 минуттан кейін ТЖ-тар сол жерде болды.

— Біздің қызметкерлер боранда қалған адамдарға шақ жетті. Бұл ауданда күшті боран. Автобуста 38 адам бар. Қазір біздің қызметкерлеріміз көшіру жұмыстарын жүргізуде,-деп хабарлады облыстық ТЖД баспасөз хатшысы Жәдігер Құсайынов.

Зардап шеккендер туралы ақпаратты анықтаймыз.

Мария Мельникова