Орал билігі гараж кооперативтерінің орнына үй салуды ұсынды

Қала бойынша гараждардың бір бөлігі іс жүзінде бос тұр. Жер алқаптарын оңтайландыру керек.

Бұл туралы қала әкімі Мұрат Мұқаев қала тұрғындарымен кездесуде айтты.

— Енді ескі тұрғын үйлер бұзылады, ал оның орнында жаңа тұрғын үй кешендері салынады. Бос алаңдарды барынша пайдалану керек. Өйткені, мұндай нысандарда барлық инфрақұрылым бар. Біз инженерлік желілерді, жолдарды жүргізуден үнемдейміз,- деді әкім.

Оның айтуынша, бұл бизнеске тиімді, қаланың сыртқы келбетін көркейтеді. Біздің тұрғындар үшін жағдай және жайлылық жасайды. Және қала тұрғындарына жаңа тұрғын үйге көшуге мүмкіндік береді. Тұрғын үйлердің құрылысы жеке инвестициялар есебінен жүргізілетін болады.

Мария Драчева