БҚО әкімінің орынбасары Бағдат Азбаев қаланың су тасқынына дайындығын тексерді

Қала әкімі, ТЖ басқарма бастығымен бірлесе отырып, Азбаевқа су басу кезінде қандай іс-шаралар жүргізілетінін айтты.

Көшпелі кездесуде Бағдат Азбаевқа қаланың су басу қаупі бар учаскілерін көрсетті. Еріген сулардан су басу қаупі бар аймақта Сарытау, Балауса, Зачаганск, Курени, Ет комбинаты, Жұлдыз шағын аудандары,2 жұмысшы кенті бар.

— Біз Орал мен облыста биылғы жылы қардың шамадан тыс көп түскенін жақсы білеміз. Мұндай қар 30 жылдан бері болған жоқ. Кейбір жерлерде қар биіктігі 1-1, 5 метрге жетеді. Өткен жылы қар жамылғысы 14 см құрап еді. Коммуналдық қызмет техникалары алғашқы көп қар түскен сәттен бастап үш ай бойы тәулік бойы жұмыс істеуде. Жұмысқа 250 бірлік техника жұмылдырылды. Бүгінгі таңда төменде орналасқан ең қауіпті 32 су басу қаупі бар учаскелерден қар шығарылуда, — деді қала әкімі Мұрат Мұқаев.

БҚО ТЖ департаментінің бастығы Жасұлан Жұмашевтің айтуынша, қала тұрғындарымен су тасқынына дайындық жұмыстары жүргізілуде. Саяжай кенттерінде тұратын адамдармен нұсқаулық өткізілді, қазір оны жеке сектордың тұрғындарымен өткізіп жатыр. Адамдарға су басқан жағдайда не істеу керектігі түсіндірілуде.

— Қала бойынша 28 көшіру пункті бар. Құтқарушылар арнайы су тасқыны техникаларымен жабдықталды. Қазгидрометтің мәліметтері бойынша, апта бойы суық болады. Ал 7 наурыздан бастап күн жылынуы басталады. Осы 7-10 күн ішінде қаладан қалған қарды шығару керек,- деп атап өтті Мұрат Мұқаев.

Мария Драчева