Дариға Назарбаева Парламент Сенатының спикері болды
Дариға Назарбаева Парламент Сенатының төрағасы болды, деп хабарлайды тілшісі Tengrinews.kz.
Ол Палата депутаттары арасында жасырын дауыс беру арқылы сайланды. Қатысып отырған 44 депутаттың 44-і Назарбаева кандидатурасына дауыс берді.
«Біз Парламент Сенатының төрағасы Дариға Нұрсұлтанқызы Назарбаеваны сайлау жөніндегі ұсынысты ерекше сезіммен қабылдаймыз, өйткені біз көп жылдар бойы бірқатар, жұмыс топтарында, комитет отырыстарында және жұмыстан тыс та біргеміз», — деді сенатор Бірғаным Әйтімова дауыс беру алдында.
«Оның құқыққа, мемлекетіміздің демократиялануына деген мінсіз қарым-қатынасы, ақпараттарға қол жеткізуі барлығымызды орап өтеді. Менің ойымша, біздің жұмысымызда (Дариға Назарбаева. — Ескерт.) әлеуметтік, экономикалық проблемалардың тұтас бір блогын терең біледі, біздің еліміздің нақты азаматтарымен, әсіресе халықтың осал топтарына және көп балалы отбасыларға байланысты барлық мәселелерге үнемі көңіл бөлуде», — деп толықтырды ол.
Бұған дейін ол Сенаттың Халықаралық істер, қорғаныс және қауіпсіздік комитетінің төрағасы қызметін атқарған.
Дариға Назарбаева 1963 жылы 7 мамырда туған, қазақ, білімі жоғары. Ломоносов атындағы Мәскеу мемлекеттік университетін, Киров атындағы Қазақ мемлекеттік университетін бітірген. Мамандығы тарихшы, тарих және қоғамтану оқытушысы.
Саяси ғылымдарының докторы, тарих ғылымдарының кандидаты.
Мәжіліс төрағасының орынбасары, Премьер-Министрдің орынбасары, кейін Парламент Сенатының депутаты болды.
«Парасат», II дәрежелі «Барыс», Француз Республикасының Әдебиет және өнер ордендерімен, «Нұр Отан» ХДП «Белсенді қызметі үшін» медалімен, ҚР Конституциялық Кеңесінің» Конституциялық заңдылықты нығайтудың қосқан үлесі үшін » медалімен және мерейтойлық медальдармен марапатталған.
