БҚО полиция қызметкеріне жол бөлігінің белгіленбеген жерінен өткені үшін айыппұл салынды
ҚР Ішкі істер министрі Ерлан Тұрғымбаев өз блог-тұғырнамасында жол жүру бөлігінің белгіленбеген жерінен өткені үшін полицейлік жазаға тартылғандығы туралы хабарлады.
Батыс Қазақстан облысы полиция департаменті жергілікті полиция қызметінің жол-патрульдік полиция инспекторы өтуге болмайтын жолды кесіп өтті. Бұл құқық бұзушылық азаматтық тұлғаның автокөлігінде орнатылған бейнетіркегішке тіркелген.
Сонымен қатар, ол жол бөлігіне өзі тоқтатқан көлік жүргізушісін де алып келді.
Министрдің блогына тіркеушіден бейнежазбаны қоса отырып, азаматтық белсенді Жан Ботанов хабарлады.
«Сіздің назарыңызға ұсынамын: Оралда 15 наурыз күні сағат 17:19-да Сырым Датов көшесінің бойында полиция қызметкерлері Skoda маркалы қызметтік автокөлікте 170 борт нөмірлі – «қоғамдық көлік аялдамасы аумағы тұрағында» жол қозғалысы ережелерін бұзды. Бұл ретте жарқылдауық шамшырақтары өшіріліп тұрды. Сондай — ақ, полиция қызметкері жолдың жүру бөлігінің жаяу жүргіншілер өткеліне жақын жерден өту ережелерін бұзды».
15 Сәуірде министр Ерлан Тұрғымбаев полицей ережелерді бұзғанын растады. «Тексеру нәтижесі бойынша Батыс Қазақстан облысы ІІД ЖПҚ патрульдік полиция қызметкері ҚР ӘҚБтК-нің 615-бабының 1-бөлігі бойынша (жаяу жүргіншілердің қозғалыс ережесін бұзу) №192770033017076 хаттама бойынша әкімшілік жауапкершілікке тартылды. Белсендіге азаматтық ұстаным үшін және жол қауіпсіздігін қамтамасыз етуге қосқан үлесі үшін алғыс білдіреміз», — деп жауап берді министр Ерлан Тұрғымбаев.
