Оралдың бес көпбалалы отбасына түтін датчигі орнатылды (БЕЙНЕ)
Кәсіпкерлер датчиктерді орнату туралы өз ұсынысымен ТЖ департаментіне бірлесіп іс-шара өткізу үшін өтініш білдірді.Олар осындай идеяны қолдап, 17 сәуірде датчиктер бес отбасының үйлеріне орнатты.
Кәсіпкерлер жеке үйлерде тұратын көп балалы отбасыларды таңдады. Түтін датчиктері тәулік бойы жұмыс істейді. Түтін анықталған жағдайда олар дереу ата-анасына және өрт сөндіру бөлімінің пультіне смс хабарлама жібереді. Сондай-ақ, датчиктердің қожайыны көрсеткісі келетін бес нөмірге келеді.
— Барлық апаттар өрт шыққан сәттен бастап ол анықталғанға дейін және ол туралы хабарланғанға дейін көп уақыт өтетіндіктен орын алады. Ал мұндай датчиктер болған кезде табу мен хабарлама іс жүзінде бір мезгілде өтеді. 5 секунд ішінде SMS жіберіледі. Бұл адамдардың жарақат алуы мен қаза болу қаупін азайтуға мүмкіндік береді, — деді ТЖД азаматтық қорғау саласындағы бақылау және апаттар қауіп-қатерін азайту басқармасының бастығы Ерлан Төрегелдиев.
«ОА» журналистері датчиктер қойған отбасылардың бірімен танысты. Нургуль Жақсығұлова, төрт қыз тәрбиелеп отырған ана, олардың ең кішісіне 7 ай, датчиктер қажет деп санайды.
— Мен кейде сәбиімен ауруханаға, ХҚКО-ға, «собес» — ге барамын, ал үлкен қыздарды өздерімен бірге ала алмаймын,олар үйде жалғыз қалады. Астанадағы оқиға есіме түссе, бұл өте қорқынышты… Мен өзімнің қыздарыма қатты уайымдап жүремін. Бір жерге шығу керек болып немесе үйден екі сағаттан тыс кетсем жанымды қоярға жер таба алмаймын. Ал басқалай жолы жоқ,мен жалғызбын, әркімнің өз отбасы, өз жұмыстары бар. Күйеуім мені балалармен тастап кетті, алимент төлемейді. Бірақ мен берілмеймін,алға талпынып қыздарды өсіру керек. Бізге орнатылған датчиктер пайдалы деп ойлаймын, ал олармен бірге тыныш болады,- дейді Нұргүл Жақсығұлова.
Датчиктерді орнатуды ұсынған ұйым қызметкерлері не үшін, не мақсатпен деп журналистер олардың өкілінен сұрап білді.
— ТЖД-ға көп балалы отбасылардың тізімі туралы өтініш білдірген кезде біз шын мәнінде мұқтаж және осындай датчиктер орната алмайтын адамдарды таңдадық. Біздің ұйым қызметінің мәні тұрғындардың қауіпсіздігін қамтамасыз ету. Астанада болған соңғы оқиғалар өрт қауіпсіздігі мәселелері өте өзекті екенін көрсетті. Егер көмек көрсету мүмкіндігі мен ықыласы болса, біз оны қуана қабылдаймыз, — деді кәсіпкер Темірбек Әкімбеков.
Мария Драчева
Бейне: Нұрлыбек Емранов
