Оралда балаларды ұрлау туралы WhatsApp-тарату жалған болып шықты
БҚО ІІД баспасөз қызметінде балаларды ұрлауға әрекет жасау туралы WhatsApp арқылы жіберілетін ақпаратты растамады.
Редакцияға қаланың түрлі аудандарындағы балаларды ұрлау туралы аудио-хабарлама жіберілген. Хабарлаушылар баланы ұрлайтын аудан мен көліктің маркасын нақты көрсетті. Сонымен қатар, олар хабарламаны таратуды және бұл туралы ата-аналарға ескертуді, балаларды далаға жібермеуді сұрады.
— Бізде мұндай жағдайлар тіркелген жоқ. Дегенмен, ақпаратты жалған таратқаны үшін әзілқойға ҚР ҚК 274-бабы «Қоғамдық тәртіпті бұзу немесе азаматтардың немесе ұйымдардың құқықтары мен заңды мүдделеріне не қоғамның немесе мемлекеттің заңмен қорғалатын мүдделеріне елеулі зиян келтіру қаупін туғызатын көрінеу жалған ақпаратты тарату, 12 млн. теңгеге дейінгі мөлшерде айыппұл салуға не сол мөлшерде түзеу жұмыстарына не 2 жылдан 5 жылға дейінгі мерзімге бас бостандығын шектеуге не сол мерзімге бас бостандығынан айыруға жазаланады,», – деп хабарлады БҚО ІІД баспасөз қызметінің қызметкері.
Маргарита Зябчук
