Орал тұрғыны арыққа құлап кетті
Арбатта жігіт шіріп тұрған арық торы арқылы құлап, тізесін зақымдады. Бұл тұрғын үй-коммуналдық шаруашылық және тұрғын үй инспекциясы бөлімінің қазіргі арық жүйесін қауіпсіз жүйеге ауыстыруына себеп болды.
Оқиға 1 мамырда күннің екінші жартысында орталық базар ауданында орын алды. Зардап шеккен Константин Кендиров болған оқиғадан кейін бізге бейне кадрлар жіберді. Кадрда жігіт құлау орнын көрсетеді-бір метр тереңдіктегі арық, онда шіріген темір тор жатыр.
—Мен досыммен азық-түлік алу үшін орталық базарға бардым, «Колос»дүкеніне қарама-қарсы сөрелерге тоқтадым. Мен артқа бір қадам жасап темірді басқанымда олар опырылып кетті.Басында тізем ауырғандай болып еді, үйге келгенде ісіп кетті. Облыстық ауруханаға қаралғанымда, жарадан қанды сорып лангет салып, бір айдай ешқандай ауыр жұмыс жасауға болмайды, деді. Енді бір ай жұмыс істей алмаймын, – дейді Константин.
Тұрғын үй-коммуналдық шаруашылық және тұрғын үй инспекциясы бөлімінің басшысы Мержан Нұртазиев, олардың бөлімі жыл ішінде арықтардағы торларды қауіпсіз жамылғымен ауыстыратынын айтты.
— Бұл да люктер сияқты мәселе. Торларды металл қабылдайтын жерге тапсырады. Жүргіншілер аймағындағы жолдан үнемі ұрлауда. Өткен жылы екі оқиға тіркеліп, адамдар әкімшілік жауапкершілікке тартылды. «Форум» сауда үйінің жанындағы жасыл аймақтағы торларды ұрлап кеткен, біз оларды қалпына келтірдік. Біз оларды әрқашан дәнекерлейміз. Стандарт бойынша шыбықтар арасындағы ең үлкен қашықтық 3-4 сантиметр болуы тиіс. Биылғы жылы торлардың орнына жаяу жүргіншілер аймақтарында болат кең пластиналар қоюды жоспарлап отырмыз.
Естеріңізге сала кетейік, өткен жылдың қараша айында Арбатта баласы бар әйел арыққа құлап кеткен болатын. Олар облыстық ауруханаға тексеру үшін жеткізілді, әйелден шағым түскен жоқ, баланың жағдайы да белгісіз.
Маргарита Зябчук
