Президент БҚО жолдарының жағдайы сын көтермейтінін айтты
Жолдардың 70% бүгінде қанағаттанарлықсыз жағдайда тұр.
БҚО жұртшылығымен кездесу барысында ҚР Президенті өңірдегі жол сапасы мәселесін көтерді, деп хабарлайды Zakon.kz.тілшісі.
Қасым-Жомарт Тоқаев облыста бірінші дәрежелі инфрақұрылым құру қажеттігін атап өтті.
– Бүгінгі таңда 70% – ы қанағаттанарлықсыз жағдайда тұрған жолдар облыстың өзекті проблемасы болып отыр. Бұл үлкен мәселе. Мұндай жағдайды сын көтермейді деп санаймын, – деді Президент.
Ол сондай-ақ, 2021 жылдың соңына дейін Орынбор трассасын қалпына келтіру жұмыстарын аяқтауды тапсырды.
— Қазір Орынбор трассасын қайта жаңарту және Қазталов, Жәнібек және Бөкей ордасы аудандарында жол салу жұмыстары жүргізіліп жатырғанын білемін. Үкіметке әкімдікпен бірлесіп 2021 жылдың соңына дейін осы жұмысты аяқтауды тапсырамын. Бұл жеке бақылауымдағы мәселе болады, – деді Тоқаев.
