Қайнайды қаның, ашиды жаның
БҚО облысына өзіңің сыни мақалалары мен бейне жазбалары арқылы кеңінен танымал тәуелсіз бейне блогер Айболат Бөкенов жайлы шағын бейне баяндаманы Мәскеуден арнайы, осы үшін ат арытып келген Тұрар Төлеген жасады.
Айболат жай қалта телефонымен жүріп-ақ, қоғамдағы келеңсіз жағдайларды, халықтың мұңы мен мұқтажын, өрескел заң бұзушылықтарды түсіріп алып, өзінің FACEBOOK парақшасына жариялап жүргеніне көп болды. Сын түзелмей, мін түзелмейді Айболаттың басты ұстанымдарының бірі. «Айта-айта Алтайды, Жамал апа қартайды» демекші, жауыр болған жауапсыз сұрақтар мен жан қынжылтар мәселелер Айболаттың жариялымынан соң, дұрыс шешімін тауып, оң нәтиже бере бастады. Көмек, ақыл сұрап келушілерге де қолынан келгенін жасап, аянып қалмайды. Жүгіріп жүріп жеңіске жетіп, жұмысыңның жақсы жемісін көру де бақыт, дейді Айболат. Әр ауылда сен сияқты батыл, ұлтжанды азамат болса ғой дейтіндерге, Айболат: Оның еш қиындығы жоқ, өзіңнің туған жеріңді, еліңді сүйіп, болашағы жарқын, келешегі кең болсын деген ниет болса болды дейді ол.
