Қазақстанда мүгедек балаларға арналған жәрдемақы 41 мың теңгеге дейін артады
1 шілдеден бастап мүгедек баланы тәрбиелеуші және бала жасынан бірінші топтағы мүгедекке күтім жасайтын тұлғаларға арналған жәрдемақы көбейеді. Жәрдемақы мөлшерін арттыру жөніндегі барлық іс-шараларды мемкорпорация қандай да бір қосымша құжаттарды ұсынбай және ХҚО-ға бармай автоматтандырылған процесте жүргізеді.
«Енгізілген өзгерістерге сәйкес мүгедек баланы тәрбиелеуші және бала кезінен бірінші топтағы мүгедекке күтім жасау жәрдемақыларының мөлшері 1,05 ең төмен күнкөріс деңгейінен 1,4 ең төмен күнкөріс деңгейіне дейін арттырылады. Айта кету керек, бүгінгі таңда ең төменгі күнкөріс деңгейі 29 698 теңгені құрайды», — делінген «Азаматтарға арналған үкімет» қалалық корпорациясының баспасөз парағында.
Баспасөз қызметінің айтуынша, 2019 жылдың 1 шілдесінен бастап мүгедек баланы тәрбиелеушіге және бала кезінен бірінші топтағы мүгедекке ай сайынғы жәрдемақы 1,4 ӨМ мөлшерінде, яғни 41 578 теңге мөлшерінде (1,4*29 698) белгіленген. Қазір мөлшері 31183 теңге (1,05*29 698) жәрдемақыны құрайды.
Сондай-ақ, мемлекеттік корпорацияның баспасөз қызметі мүгедек баланы тәрбиелеуші (81742 алушы) және бала жасынан бірінші топтағы мүгедек баланы күтуші (13677 алушы) 95 мыңнан астам жәрдемақы алушыларға өзгерістер енгізілгенін хабарлады.
2019 жылдың 1 шілдесінен бастап жәрдемақы мөлшерін арттыру жөніндегі барлық іс-шараларды «Азаматтарға арналған үкімет» мемлекеттік корпорациясы мен ҚР Еңбек және халықты әлеуметтік қорғау және көші-қон комитетінің аумақтық департаменттері қандай да бір қосымша құжаттарды ұсынбастан автоматтандырылған процесте жүзеге асыратынын атап өткен жөн. Осы жәрдемақыларды алушылар үшін мемкорпорация ХҚО-ға қосымша бару талап етілмейді. Мүгедек баланы тәрбиелеп отырған және бала кезінен бірінші топтағы мүгедекті күтіп отырғандарға жәрдемақы төлеу кесте бойынша,шілденің 1-ші және 15-ші жұлдызы аралығында және одан кейінгі әрбір айдың (жұмыс күндері)жүргізіледі. «Балалы отбасыларға берілетін мемлекеттік жәрдемақылар туралы» Қазақстан Республикасының Заңына тиісті өзгерістер ҚР Тұңғыш Президентінің тапсырмасы бойынша енгізілді.
Маргарита Зябчук
