Оралда өткен демалыс күндері 2 адам суға кетті
Суда қаза тапқандардың бірін құтқарушылар іздестіруде, екінші батып кеткен адамды тапты. Қазіргі уақытта қайғылы жағдай анықталуда.
— 7 маусымнан бастап сағат 15.20-да Елизаров көшесі бойында Орал өзенінде 4 құтқарушы екі жүзу құралының көмегімен суға түсуге жабдықталмаған орынға батып кеткен жиырма жасар ер адамды іздестіруде. Бүгінгі таңда іздеу жұмыстары жалғасуда.
Сондай-ақ, 8 маусымда сағат 21.25-те Самал-3 шағын ауданында Шаған өзенінде 4 құтқарушы ер адамның денесін судан алып шықты. Ер адам суға түсу кезінде жабдықталмаған жерде мас күйінде суға батып кеткен. Қайғылы жағдай анықталуда, – деп хабарлады ТЖ департаментінің баспасөз қызметі.
Сондай-ақ, департаментте 2019 жылдың басынан бері облыс су айдындарында 12 суға батып кеткен адам тіркелгенін, оның ішінде үш кәмелет жасқа толмаған екендігін атап өтті. Өткен жылдың осындай кезеңінде 10 суға батып кеткен адам тіркелді, оның екеуі кәмелеттік жасқа толмаған.
ТЖ қызметкерлері кезекті рет қала тұрғындарына судағы қайғылы оқиғаларды болдырмау үшін қарапайым қауіпсіздік ережелерін сақтау қажет екенін ескертеді:
Алысқа жүзбеңіз
Тыйым салынған жерлерде шомылмаңыз!
Суға шомылу кезінде камераларды, доптарды, тақтайларды пайдаланбаңыз!
Көпірлерден, бөгеттерден, айлақтардан, қайықтардан және катерлерден суға секірмеңіз!
Жүзіп бара жатқан катерлерге, пароходтар мен қайықтарға қарсы жүзбеңіз!
Білмейтін жерде суға түспеңіз!
Суда ойнамаңыз!
Жалған сигнал бермеңіз!
Қауіп туындаған жағдайда «112» және «101»қысқа нөміріне қоңырау шалу қажет.
Мария Драчева
