БҚО әкімі Фейсбукқа ұялы телефон нөмірін жариялады

Енді тұрғындар мен кәсіпкерлер облысты дамыту бойынша өз ұсыныстарын, Facebook парақшасында жариялаған ұялы телефон нөмірі арқылы, жаңа әкімге айта алады.

«Менің жеке ұялы нөмірім +77017776037. Егер өңірді дамыту жөнінде нақты ұсыныстар болса, маған what ‘s app арқылы жіберуге болады», – деп жазды Ғали Есқалиев Facebook-те.

Сондай-ақ, әкім облыс тұрғындары мен кәсіпкерлеріне жолданған хаттардың үлгісі мен мекен-жайын атап өтті.

«Бірлескен жұмысқа қатысқысы келетіндер bqoakimdigi@mail.kz», электрондық мекен-жайға жіберіңіз – деп жазды ол.

Оның айтуынша, хабарды келесі форматта жіберу керек:

«Өңірге көмектескім келеді». Бұдан әрі мәтінде: сіз бізбен қандай аудан/қала/облыс талқылауға дайынсыз; өзіңіз маман немесе сарапшы деп санайтын сала (өңірдің даму стратегиясы, мұнай-газ компаниялары мен мемлекеттік сатып алулардағы жергілікті қамту үлесін арттыру, ауыл шаруашылығы, цифрландыру, урбанистика, қауіпсіз жол, жобалық менеджмент және т.б.), байланыс деректері (аты-жөні, электрондық мекен-жайы, телефоны).

Бұдан әрі, ұсыныстар топтарға бөлініп, талданатын болады деп қосты ол.

Маргарита Зябчук