БҚО-да мемлекеттік бағдарлама бойынша тұрғын үй алуға өтініштер қабылдау басталды

«Нұрлы жер» тұрғын үй бағдарламасы бойынша үйлер қаланың жаңа ауданында Орал-Саратов тас жолы бойында салынып жатыр.

Бағдарламаға қатысу үшін өтініш беруші-қатысушы, оның ішінде жергілікті атқарушы органдарда кезекте тұрған адам «Тұрғын үй құрылыс жинақ банкінде» тұрғын үй құрылыс жинақ ақшасы туралы қолданыстағы шарт ашуы немесе болуы қажет.

– Пәтер сатып алу үшін банк клиенттеріне шотта ең төменгі бастапқы жарнаның 20% мөлшерінде болуы жеткілікті, сонда олар жылдық 5% жеңілдікті ставка бойынша алдын ала қарыз ала алады. Тұрғын үйдің 1 ш.м. құны 140 000 теңгені құрайды. Үш тұрғын үйдің құрылысын ағымдағы жылдың қазан айында аяқтау жоспарлануда,- деді «Қазақстанның тұрғын үй құрылыс жинақ банкі» АҚ БҚО филиалының директоры Диас Рахымқан.

Диас Рахымқанның айтуынша, мемлекеттік бағдарлама аясында тұрғын үй жеңілдікті шарттар бойынша жүзеге асырылуда.

ҚР азаматтығының болуы немесе оралман мәртебесі

Қазақстан Республикасының аумағында өтініш берушіде және оның отбасы мүшелерінде тұрғын үйдің болмауы соңғы 5 жыл ішінде тұрғын үй жағдайының әдейі нашарлауы фактілерінің болмауы

кандидат тұру мерзіміне қарамастан тұрғын үй алуға үміткер елді мекенде тұрақты тіркеуінің болуы

төлем қабілеттілігін растау

Сондай-ақ, Диас Рахымқан «Нұрлы жер» бағдарламасына қатысуға өтініш беру үшін өтініш беруші тұрғын үй құрылыс жинақ шотында кемінде 500 000 (бес жүз мың) теңге жинақталуы тиіс екенін атап өтті. Бір бөлмелі пәтердің құны шамамен 5 609 800 теңгені құрайды, сәйкесінше бастапқы жарна 1 121 960 теңгеден кем болмауы тиіс. Несие бойынша ай сайынғы төлем алғашқы 8 жылда 37 960 теңгені құрайды, одан кейін ол 18 244 теңгеге дейін төмендейді, оны клиенттер 11 жыл ішінде төлейтін болады.

Мария Драчева