Оралда №5 маршруттық автобусының қатысуымен жол-көлік оқиғасының егжей-тегжейі белгілі болды (БЕЙНЕ)

Зардап шеккендер туралы облыстық денсаулық басқармасында айтылды. Сондай-ақ, әлеуметтік желілерде оқиға орнынан куәгердің бейнетіркегішіне жазылған бейне пайда болды.

— Зардап шеккендер 69 жастағы ер адам мен 68 жастағы әйел қалалық көп салалы ауруханаға жеткізілді. Дәрігерлер— орташа ауырлықтағы жабық бас сүйек-ми жарақаттары деген диагноз қойды. 13.46-да «жедел жәрдем» шақыруы тіркелді,13.52-де дәрігерлер бригадасы оқиға орнында болған,-деп хабарлады облыстық денсаулық сақтау басқармасының баспасөз қызметі.

Естеріңізге сала кетейік, 1 шілдеде жеңіл көлікпен соқтығысқан №5 қалалық маршрут бойынша «Mercedes-Benz» автобусында 50-60 жолаушы болған.

Мария Драчева