Зашағанда болған ЖКО алты адам зардап шекті

Апат Брусиловский мен Қозы Көрпеш көшелерінің қиылысында орын алды. Сотқа дейінгі тергеу басталды.

4 шілде күні кешке «Лада Приора» және «Шаран»маркалы автокөліктері соқтығысқан. Облыстық денсаулық сақтау басқармасының хабарлауынша, «жедел жәрдем» пультіне шақырту сағат 20:43-те келіп түскен. Апат орнына екі дәрігерлер бригадасы шықты.

— 22 жастағы зардап шеккен екі адам жабық-бас ми жарақатымен, бас миының шайқалуымен және политравамен хирургиялық бөлімшеге және политравма бөлімшесіне жатқызылды. 50 жастағы, 59 жастағы , 22 жастағы, 21 жастағы ерлер қалалық көпбейінді ауруханаға амбулаторлық емделуге жіберілді, — деп хабарлады облыстық денсаулық сақтау басқармасының баспасөз хатшысы Айнагүл Сакпусунова.

БҚО ІІД баспасөз қызметінің хабарлауынша, апат сағат 21: 00 шамасында болған.

— Екі ауыр зардап шеккендер «Лада Приора»автокөлігінде болған. «Шаран» рөлінде 49 жасар жүргізуші болған, — деп хабарлады БҚО полиция департаментінің баспасөз қызметінің жетекшісі Болатбек Белгібеков.

БҚО ІІД баспасөз қызметінің жетекшісі хабарлағандай, «Автокөлікті, троллейбусты, трамвайды немесе басқа да механикалық көлік құралын басқаратын адамның жол қозғалысы немесе көлік құралдарын пайдалану ережелерін бұзуы абайсызда адамның денсаулығына орташа ауырлықтағы зиян келтіруге әкеп соққан» 345-баптың 1-бөлімі бойынша қылмыстық іс қозғалды. Кінәлі адам анықталуда.

Маргарита Зябчук