БҚО-да екі үй мен мектеп шатырсыз қалды
Бәйтерек ауданында Мичурино және Өркен кенттерінде қатты желдің салдарынан ғимараттардың төбесін ұшырып әкетті.
– 9 шілдеде кешкі сағат бестер шамасында басталған жел Мичурино кентінің тұрғындарына зиян келтірді. Онда Светная көшесіндегі № 16 екі қабатты тұрғын үйдің шатырын ұшырып әкетті. Орта білім беру мектебі да желден зардап шекті. Қазақстан 1 көшесіндегі үш қабатты ғимаратқа табиғи құбылыстан келтірілген шығын көлемі 240 ш. м., ғимараттың жалпы көлемі 6000 ш. м.
Көшім ауылдық округінің Өркен ауылында жалпы ауданы 172 ш. м. алаңның 50 ш.м.зақым келді. Осындай залал Абылай хан көшесіндегі №17 екі пәтерлі тұрғын үйге келтірілді. Бақытымызға орай бірде – бір ауылда зардап шеккендер мен құрбан болғандар жоқ, – деп хабарлады ТЖ департаменті.
Мария Драчева
