Ақсайда экологтар торғайлардың өлу себебін іздеуде
БҚО орман шаруашылығы басқармасы басшысының орынбасары Ақсай қаласында торғайлар өлімінің себебін зерттеу басталғанын хабарлады.
— Кеше экология департаментінің зертхана қызметкерлері оқиға орнына шығып, ауа атмосферасына және судың ластануына талдау жасады. Бірінші талдаудың нәтижелері көрсеткендей, сол жердегі ауа толық тәртіпте. Суға талдау нәтижелері дүйсенбі күні дайын болады, — деді Закария Тұралиев.
Ол сондай-ақ, 17 шілдеде зертхана қызметкерлері сараптамаға 10 торғай алғанын, бірақ олар зерттеуге жарамсыз болып қалғанын атап өтті.
— Сондай-ақ зертхана қызметкерлері тағы 2 құс мәйітін сараптауға алды, олар құс өлімінің бір нұсқасы ретінде құс тұмауын анықтауға жіберіледі, — деп мәлімдеді ол.
Закария Тұралиев айтқандай, өлу себептері көп болуы мүмкін: жаңбырдан бастап найзағайға дейін, тұрғындардың бірінің төккен уланған суына түсуден.
— Зерттеу нәтижелерінің күні әзірге белгісіз, ол зертханалық зерттеулердің жылдамдығына байланысты, — деп қорытындылады ол.
Бұған дейін экология министрі БҚО орман шаруашылығы басқармасына Ақсай қаласында торғайлардың жаппай қырылу себебін анықтауды тапсырды. Бұл туралы Мағзұм Мырзағалиев Twitter-дегі бетінде хабарлады.
Twitter бетінде экология министрінің хабарламасы.
— Мен Батыс Қазақстан облысының орман шаруашылығы басқармасына Ақсай ауданындағы торғайлардың жаппай қырылу себебін анықтауға тапсырма бердім. Зерттеу нәтижелері жарияланатын болады, — деп жазды экология министрі өз аккаунтында.
Естеріңізге сала кетейік, кеше Ақсай тұрғындары бірнеше ауданда торғайлардың өлекселерін тапты. Алаңдаушылық білдірген тұрғындар құстардың өлімінің жергілікті СЭС берген болжамға сенбейді және қаладағы экологиялық жағдайға алаңдайды.
Алексей Воробьев
