Тарихи максимум: доллар бағасы 385 теңгеге дейін өсті

26 шілдеден бастап бір доллар бағасы 385 теңгеден төмен түспеген. Бүгінде ол өзінің тарихи максимумына — 385,12 теңгеге жетті.

Оралдағы айырбастау орындарында доллар 387,5 теңгеге сатылуда.

— Өткен аптада уәде етілген доллар шыңы күтілмегендіктен, ескі болжамды қайта қарауға тура келді. Соңғы күндері ҚАЕ биржасында доллар 384-385 деңгейінде орнықты, тербеліс амплитудасы бір теңгеге дейін төмендеді. Мұны келесі толқындар үшін нарықтың әлеуетін жинақтау ретінде түсінуге болады. Мүмкін, бұл импульстік толқын құрылымдық түрде аз ауқымдағы бірнеше толқындардан тұрады, оларды нақтылаумен біз айналыспаймыз. Бұл толқынның түпкі мақсаты 389-390 ауданында жатыр. Ал уақыт өте келе, доллардың өсуі аптаның соңына дейін немесе келесі аптаның басына дейін ұзартылуы мүмкін — — деді Валюта.kz сайтының сарапшысы Мұстафин Бейбіт.

Естеріңізге сала кетейік, соңғы рет доллар 2018 жылы тамызда, бір күнде 14 теңгеге күрт өсті.

Алексей Воробьев