Өз мектептеріне ата-аналар жедел желі арқылы шағымдана алады
ҚР Денсаулық сақтау министрлігі тауарлар мен қызметтердің сапасы мен қауіпсіздігін бақылау Комитетімен ата-аналарға арналған жедел желі іске қосылады.
Бұл туралы Орталық коммуникациялар қызметінің баспасөз отырысында ҚР Денсаулық сақтау министрлігі тауарлар мен қызметтердің сапасы мен қауіпсіздігін бақылау комитеті төрағасының орынбасары-ҚР Бас мемлекеттік санитарлық дәрігері Жандарбек Бекшин мәлімдеді.
Ж. Бекшиннің ақпараты бойынша, Комитет оқу үдерісінің бірінші ширегінде (7172) 74-18-64 нөмірі бойынша ата-аналарға арналған жедел желі іске қосылады.
«Бүгін біз жедел желіні іске қосамыз. Жедел желі телефоны 74 – 18 – 64 . Мен ата — аналарға алғашқы күннен бастап, егер қандай да бір сұрақтарыңыз болса,, осы телефонға қоңырау шалыңыз демекпін. Телефон сағат 9-дан кешкі 18-ге дейін жұмыс істейді. Демалыс күндері жұмыс істемейді», — деді ол. Елдің бас санитарлық дәрігері тауарлар мен қызметтердің сапасы мен қауіпсіздігін бақылау комитеті ата-аналардың назарын жарықтандыру, ауыз су режимін ұйымдастыру, санитарлық-техникалық жабдықтардың (раковиналар мен унитаздар) жеткіліктілігі мен жарамдылығы мәселелеріне, сондай-ақ сіздің балаңыздың бойлық-жастық көрсеткіштеріне сәйкес партаға отырғызу мәселелеріне аударатынын атап өтті. «Егер оқу жылына дайындалмаған мектептер бар болса: апатты жағдайда, дәретханалары, азық-түлік блогы жөнделмеген. Егер қызмет жеткізушілерге және тағы басқа сұрақтар болса, онда осы мәселелер бойынша ата — аналарды жедел желі телефонына хабарласуды сұраймын», — деді ол.
Елдің бас санитарлық дәрігері, сондай-ақ, салмағы жоғары оқулықтар анықталған жағдайда ата-аналар да осы нөмір бойынша хабарласа алатынын атап өтті.
ҚазАқпарат
