БҚО ветеринарлары пара алып, базарға бақылаусыз ет жіберген
Соңғы үш жылда қала базарларында ветеринарлық-санитарлық тексеруден өтпеген ет бірнеше рет өткізілді. БҚО бойынша сыбайлас жемқорлыққа қарсы қызмет Орал қалалық ветеринария бөлімі мамандарының қала базарларында ет өнімдерін сататын кәсіпкерлерден пара алуын қалыптасқан жүйе деп атады.
Ветеринария бөлімі басшысының орынбасары Ізтелеуов пен бас маман Бекжанов бірнеше рет малдәрігерлік бақылаудан өтпей ет сатуға мүмкіндік берді. Жасырын қадағалау оларға осындай тоғыз фактіні анықтады.
Ізтелеуов пен Бекжановты мемлекеттік қызметте қызмет атқару құқығынан өмір бойына айыра отырып, (332,5 және 402,5 мың теңге) айыппұл төлеуге міндеттеді.
Жақын арада Сыбайлас жемқорлыққа қарсы қызметтің ұсынысы бойынша барлық ветеринариялық инспекторларды бейнетіркегіштермен қамтамасыз етеді, ал олардың кабинеттерінде бейнекамералар орнатылады.
