Қоршаған ортаны ластағаны үшін КПО б.в. компаниясына үш миллион теңгеге талап арыз берілді
Қазір осы талап бойынша сотта тексеру жүргізілуде, деп хабарлады БҚО бойынша экология департаменті. Талап — арыз сомасы-2916.0 теңге
«Қарашығанақ петролеум оперейтинг» (КПО б.в.) компаниясының экологиялық заңнама талаптарын бұзу фактілерін экология департаменті ағымдағы жылдың басында тексеру кезінде анықтады. Өткен жылдың ішінде ластаушы заттардың нормативтен тыс және өз бетімен шығарылу фактілері анықталды. Бұдан басқа, компания ағынды сулардағы ластаушы заттардың концентрациясының асып кетуіне жол берді.
«Қарашығанақ петролеум оперейтинг» компаниясы зиянды заттардың шығарындылары мен төгілуі нәтижесінде қоршаған ортаға келтірілген залалды экология департаменті 2916.0 теңгеге бағалады.
2018 жылы БҚО экология департаменті КПО б. в. компаниясына қоршаған ортаны ластағаны үшін екі рет айыппұл салды. Салынған айыппұл сомасы 69.1 млн. теңгені құрады.
Қазақстандық биологтар өздерінің зерттеулерінде Қарашығанақ мұнай-газ кешенінің қоршаған ортаға теріс әсерін атап өтті. Мәселен, 2009 жылы олар Кирсанов қорығындағы кен орнынан ласталуына байланысты көптеген Қызыл кітапқа енген жәндіктердің түрлері қысқарып, кейбіреулері мүлдем жойылып кеткенін атап өтті.
БҚО Бөрлі ауданы Березовка ауылында белгісіз газдан жаппай уланған
