Оралда «Орал Таза Сервис» ЖШС қоқыс тарифін 300 теңгеге дейін көтермек

«Орал Таза Сервис» ЖШС басшылығы түсіндіргендей кәсіпорын шығынмен жұмыс істеуде, сондықтан да жұмысшылар жалақыларын төлей алмай отыр.

– Қоқыс тасығыштар паркін жаңарту керек, адамдардың жалақысын көтеру керек. Техника күніне 2-3 рет шығады, машиналар сынады, графиктер сол себепті бұзылады. Қазір Ақсайда екінші ай бойы қоқыс шығарылмайды, бұл тарифке байланысты, жұмыс істеу тиімсіз. Адамдардың жалақысын бере алмай отырмыз, сынған көліктер жөндей алмай, жағар май ала алмай отырмыз. Егер ТКШ бөлімі тарифті мақұлдамаса, біз Ақсай мен Ақтөбедегі ұйым сияқты тұрамыз, — деді «Орал таза сервис»ЖШС басшысы Рафхат Данағұлов.

Оның айтуынша, қазір халықтың 40 % – ы қолданыстағы тарифті мүлде төлемейді. Кәсіпорын алдындағы қарыз 150 млн теңгені құрайды.

– Қазір абаттандырылған сектор үшін тариф 193 теңгені, абаттандырылмаған сектор үшін -197 теңгені құрайды. Біз Президенттің тапсырмасы бойынша тарифті өткен жылы 10% – ға төмендеттік, шын мәнінде тариф 215-219 теңгені құрауы тиіс, оны мәслихат жыл бұрын бекіткен болатын деп мәлімдеді ол. Біз тарифті 70-80 теңгеге көтергіміз келеді, – деді «Орал Таза Сервис»ЖШС басшысы Рафхат Данағұлов.

Сондай-ақ тақырып бойынша:

Ақсай тұрғындары  қоқыс контейнерлерін наразылық белгісі ретінде өртеуде

Маргарита Зябчук

Фото: Артем Букреев