Оралда кісі өлтіруге оқталғаны үшін полиция қызметкері қамауға алынды
Оралда кісі өлтіруге оқталғаны үшін полиция қызметкері қамауға алынды, деп хабарлайды https://kaztag.kz/ru/news/politseyskogo-arestovali-po-podozreniyu-v-pokushenii-na-ubiystvo-v-uralske
«Полиция қызметкері ҚР ҚІЖК 128-бабы тәртібінде қамауға алынып, уақытша ұстау изоляторына орналастырылды. Ол ҚР ҚК-нің 99-бабына (кісі өлтіруге оқталу) 24-бабы (қылмысқа дайындалу және қылмысқа оқталу) бойынша қылмысқа күдікті болып табылады. Сотқа дейінгі тергеу жүргізілуде, істің мән — жайы анықталуда»,-деп хабарлады Батыс Қазақстан облысы полиция департаментінің баспасөз қызметі.
23 қыркүйек күні сағат 3.00-де Қалалық көп бейінді аурухананың жарақат бөліміне Сырым ауданының 1992 жылы туған тұрғыны түсті. Оның сол жақтағы бесінші және алтыншы қабырғаларының арасында кеуде қуысының тесілген жарақаты диагноз қойылған.
«Полицейлер әріптестерінің «Барвиха» түнгі клубында жасалған қылмысқа қатыстылығын тексерді», — делінген хабарламада.
БҚО денсаулық сақтау басқармасының баспасөз қызметі зардап шегушінің жағдайы ауыр деп бағаланатынын хабарлады. Ол реанимациядан хирургиялық бөлімге ауыстырылды.
