Теңіздегі шетелдік жұмысшылар қазақстандықтарға қарағанда 10 есе көп табады
Бас прокуратураның ұсынысы бойынша еңбек инспекциясы теңіздегі компанияларды тексеруде, онда 50-ден астам шетелдік қызметкер бар. Атырау облысы бойынша мемлекеттік еңбек инспекциясы басқармасының басшысы Игілік Әубәкіров тексерудің аралық нәтижелері туралы айтты, деп жазады «Ақ жайық»аймақтық басылымы.
– Бас прокуратураның ұсынысында Теңіз кен орнында тексеру керек 32 компания көрсетілген. Бүгінгі таңда олардың 17 — ін тексерді, және барлығында бір лауазымды атқаратын шетелдік және қазақстандық қызметкерлер арасындағы жалақыдағы сәйкессіздік анықталды, – дейді Әубәкіров.
Оның айтуынша, 200 – ден астам заң бұзушылық анықталды, ал жарты бөлігі-жалақы айырымы бойынша.
— Мысалы, КИПиА инженері-шетелдік 400 доллар (155 мың теңге) алады, ал қазақстандық сол позицияда күніне 40 мың теңге шамасында. Басқа позицияда шетелдік — 330 доллар (128 мың теңге), қазақстандық – 35 мың теңге. 4 есе айырмашылық пайда болады, кейде одан да көп.
Сонымен қатар, шетелдік қызметкерлер дипломдарының атқаратын лауазымдарына және орындалатын жұмыстарға сәйкес келмеу фактілері анықталуда.
– Барлық осы фактілер бойынша меминспекция әкімшілік істер қозғайды, айыппұлдар салады және тиісті нұсқамалар жазады.Қазіргі уақытта кейбір компаниялар біздің шешімізбен келіспей, сот арқылы шеуге тырысуда. Әрине, біз рұқсатты беретін жұмыс органына – облыстық жұмыспен қамтуды үйлестіру және әлеуметтік бағдарламалар басқармасына – рұқсатты қайтарып алу үшін хаттар жібереміз. Осылайша ережелерін бұзған шетелдіктер елден кетуге тиіс болып, рұқсаты біздің актілер негізінде жойылады.
Әубәкіров тексеру аяқталуының нақты мерзімін әзірге атаған жоқ, себебі жұмыс көлемі үлкен. Сұрау салынған құжаттар уақтылы берілмеген фактілер болған. Әр түрлі компанияларда инспектор – қызметкерлердің әр түрлі саны экспаттардың барлық құжаттарын қарап, жалақыны, лауазымдық нұсқаулықтарды салыстыруы, айырмашылықтарды анықтауы тиіс.
Бұл тексеруден бөлек, қазір инспекторлардың қолында азаматтардан 89 өтініш бар.
– Жыл басынан бері 1160 өтініш келіп түсті, тексеру нәтижесінде 600 азаматтың құқықтары қорғалды. Бұл тек жалақы ғана емес, сонымен қатар еңбек шартын жасасу, заңсыз жұмыстан босату, тәртіптік жауапкершілікке заңсыз тарту, өндірістегі жазатайым оқиғаларды жеткіліксіз тергеу мәселелері, — деп атап өтті облыстың бас»еңбекшісі».
— Жұмыс рұқсатының атқаратын лауазымдарына сәйкес келмеуі неге тоқтатылмайды, неге мұндай рұқсаттар беруді жалғастырады?
– Жұмыс рұқсатын барлық өтініштерді қарайтын үйлестіру және жұмыспен қамту басқармасы жанындағы комиссиямен беріледі. Себебі, шетелдіктер белгілі бір құжаттарды ғана тапсырады және оларда қағаз бойынша барлығы сәйкес келеді- білімі, жұмыс өтілі.
Әубәкіров әзірге компаниялардың атаулары мен қызметкерлердің аттарын айтпады,себебі тексеру әлі жүріп жатыр. Нұсқамалар ресімделіп, кінәлілер әкімшілік жауапкершілікке тартылса, онда айыппұл сомасы туралы толық ақпарат алуға болады. Заң бойынша айыппұл шетелдік рұқсатсыз жұмыс істеген кезде 700 АЕК (1 767 500 теңге) мөлшерінде немесе жалақыдағы сәйкессіздік бойынша 100 АЕК (252 500 теңге) мөлшерінде салынады.
Сайт материалдарын көшіруге, қайта басуға және кез келген басқа да пайдалануға тек azh.kz. гиперсілтеме болғанда ғана рұқсат етіледі. Instagram,ВК – да жариялауға тыйым салынады.
