Орал-Дарьинск тас жолындағы жол апатынан: екі ер адам қаза тапты
Өткен сенбіде, бесінші қазанда үш көліктің қатысуымен үлкен жол-көлік оқиғасы орын алды. Қақтығыс салдарынан екі ер адам қаза тапты — олар жедел жәрдем келгенше қайтыс болды.
БҚО денсаулық сақтау департаментінің ақпаратына қарағанда, қаза тапқан ер адамдар 30-35 жаста болған. Жедел жәрдем келген соң, үш адам бас сүйек-ми жарақаттары мен бас миының шайқалуымен қалалық көп салалы ауруханаға жатқызылды. Зардап шеккендер арасында 8 жасар бала болған. Оны облыстық көпсалалы балалар ауруханасына ауыстырған.
— Бесінші қазан күні сағат 17-де «Toyota Corolla» жүргізушісі Трекин ауылының маңында «Орал — Кирсанов» автожолында «SEAT Alhambra» автокөлігімен соқтығысқан. Соққы салдарынан «Toyota» көлігі қарама-қарсы жолға шығып кетіп «Volkswagen Golf 3» көлігіне соғылған. ЖКО салдарынан «Toyota» және «SEAT» жүргізушілері оқиға орнында көз жұмды, — деп хабарлады БҚО ІІД.
Полиция атап өткендей, ҚР ҚК 345 бабы 4 тармағы бойынша сотқа дейінгі қылмыстық тергеу басталды және ЖКО кінәлі тұлғалар анықталуда.
ҚР ҚК 345-бабы 4-бөлігі — Көлік құралдарын жүргізуші адамдардың абайсызда екі немесе одан да көп адамның өліміне әкеп соққан Жол қозғалысы немесе көлік құралдарын пайдалану ережелерін бұзуы». Бұл бап бойынша жаза-бес жылдан он жылға дейінгі түрме мерзімі.
Полиция департаментінің хабарлауынша, 2019 жылы БҚО-да 226 ЖКО орын алып, 78 адам қаза тауып, 294 адам зардап шекті.
Алексей Воробьев.
