БҚО полицейлер балалар алаңында жүрген жабайы қабанды атып тастады

Батыс Қазақстан облысында полицейлер Переметный ауылының көшесінде жүрген жабайы қабанды атып тастады, деп хабарлайды Tengrinews.kz БҚО ІІД баспасөз қызметіне сілтеме жасап.

Полиция мәліметтеріне сәйкес, 9 қазан күні Бәйтерек аудандық ПБ-нің кезекші бөліміне ауылдағы балалар алаңында жабайы қабан жүргені туралы хабарлама келіп түсті. Оқиға орнына екі полиция қызметкері жіберілді,олар оқиға орнына келген соң ақпаратты растап, елді мекеннен кетіру үшін шаралар қолданған.

«Алайда, жануар қарсы шапқасын, «Құқық қорғау қызметі туралы» Заңның негізінде, атап айтқанда 61-баптың 1-бөлімінің 6-тармағы («Өмірге немесе денсаулыққа нақты қауіп төнген жағдайда жануарлардың шабуылынан қорғау») негізінде табельді қару қолданылған. Атыс қаруын қолдану туралы Бәйтерек ауданының прокурорына хабарланды», — делінген хабарламада