Оралда облыстық аурухананың күзетшілері науқасты сыртқа шығарып, тастап кеткен
Облыстық аурухананың күзет қызметкерлері 53 жастағы Арман Досжановты каталкамен сыртқа шығарып, сырт киімсіз тастап кеткен. Ер адам ішімдік ішпеген, тек күтімсіз болған.

Оқиға бүгін орын алды, оқиға орнынан бейнені «ОА»жазылушысы жіберді. Қазір науқас жарақат бөлімінде, ол нашар сөйлейді және бас жарақатына шағымданады. Болжам бойынша, үйсіз адамды біреу ұрған.
Бейне авторы алдымен күзетшілер ауруханадан киім шығарып, оны ғимарат бұрышынының артына қойғанын айтты. Содан кейін каталкамен адамды шығарған.
«Мен таксистпен сөйлесіп тұрғам, біруақытта біз, каталкадағы адамның футболка мен трико кигеніне назар аудардық. Яғни өте жеңіл және ауа райына сай емес. Оның күзетшілер киім жатқан жерге қарай алып кетті. Мен оны сол жерге қалдыратындарын түсіндім. Біз ұялы телефондарымызды алып, күзетшілерге ұрыса бастадық. Олар оны кері алып кетті», – деді роликтің авторы.
Сонымен қатар, БҚО денсаулық сақтау басқармасының басшысы дау-жанжалды бейнероликке түсініктеме берді. Нұрданат Беркінғали оқиғаның егжей-тегжейлі анықталғанын атап өтті. Ол адамды көшеге шығаруға бұйрық берген адамға қатысты «ең қатаң шаралар» қабылданатынына уәде берді.
Алексей Воробьев