Ауру науқас пен күзетшілер арасындағы оқиға үшін арухананың директоры жауап береді
Оралда облыстық клиникалық аурухананың директоры күзетшілер үйсіз науқасты каталкамен сыртқа шығарған бейне үшін тәртіптік жауапкершілікке тартылады.
Бұл туралы Батыс қазақстан облысы денсаулық сақтау басқармасының баспасөз қызметі ведомствоның Facebook желісіндегі ресми бетінде хабарлады.
«Бұл жерде пациентті тасымалдау күзетшілерге тапсырылған, бұл үшін аурухана басшысы тәртіптік жауапкершілікке тартылады», — делінген хабарламада.
Ал, облыстық клиникалық аурухананың басшысы Арман Байдеуов болатын.
Естеріңізге сала кетейік, 13 қазанда, кездейсоқ өтіп бара жатқан адам ұялы телефон камерасына ведомстволық күзеттің екі қызметкері науқас ер адамды ауруханадан бұрышына апарып, оның киімін жерге тастағанын түсіріп алған болатын. Ер адам күзетшілер науқас адамды көшеде қалдырғысы келетініне қатты ашулана бастады. Күзетшілер науқасты көшеде шығаруға және қалдыруға бұйрық берген дәрігердің нұсқауын орындағанын айтты. Оларға бейне авторы ұрса бастағаннан кейін, күзетшілер тағы да науқастың киімін каталкаға салып, оны аурухана ғимаратына кері алып келді.
Бірнеше сағаттан кейін науқас адам үйсіз екені анықталды. Ол түнде таяқ жеп, ауруханаға түскен екен.
Облыстық денсаулық сақтау басқармасының басшылығы дәрігерлер күзетшілерге үйсізді көшеге шығаруды бұйырған деген ақпаратты жоққа шығарды. Облыстық денсаулық сақтау басқармасының болжамы бойынша, жарақат бөліміндегі кезекші мейіргер күзетшілерден науқас бар каталканы терапиялық бөлімшенің қарқынды терапия палатасына апаруды сұраған. Күзетшілер (екеуі де, облыстық денсаулық сақтау министрлігінің мәліметтері бойынша бірінші күн жұмыс істейді), адасып, науқасты аурухана аумағына кездейсоқ апарып тастаған.
Сондай-ақ осы тақырып бойынша:
Оралда облыстық аурухананың күзетшілері науқасты сыртқа шығарып, тастап кеткен
Оралда сыртқа шығарып тастаған науқасқа байланысты бейнеге түсініктеме берді
