Зашаған әкімі Құс фабрикасының тұрғындарын ештеңе күтіп тұрмағандарын түсіндірді
Құс фабрикасы саяжай қоғамы ауданының тұрғындарына оларды қалаға қосады деп үміттенудің қажеті жоқ. Бұл аудан үшін ешқандай бюджеттік бағдарламалар жоқ, ал бұл жерді су басуы мүмкін. Бұл туралы Зашаған әкімі мәлімдеді.
Құс фабрикасы ауданында саяжай қоғамын қала аумағына қосу Орал қаласы әкімдігінің құзыретіне кірмейді және бұл мәселе үкімет деңгейінде шешілуі тиіс. Бұл туралы 14 қазанда, Орал қаласының әкімдігіндегі брифинг барысында Әділбек Қадыров айтты.
– Иә, мен осы саяжай қоғамының тұрғындарымен кездестім. Олар оны қалаға қосуды талап етеді. Бірақ, бұл жерлер ауыл шаруашылығы мақсатындағы жерлер статусына ие және су басу аймағында тұр. Яғни, адамдардың тұрақты тұруына арналмаған. Ауыл шаруашылығы мақсатындағы жерлер қала аумағының құрамында бола алмайды. Осы аумақтың мәртебесін өзгерту үшін үкімет қаулысы қажет. Сондықтан мен осы аумақты ұстау мен дамыту бойынша бюджетте ешқандай бюджеттік шығындар жоқ деп айта аламын. Ешқандай мектеп, емхана немесе балабақша сала алмаймыз, – деді Әділбек Қадыров журналистердің сұрақтарына жауап бере отырып.
Естеріңізге сала кетейік, «Птичник» саяжай алабының тұрғындары бірнеше жылдан бері қалалық биліктен олардың аудандарын қала шегіне қосуға қол жеткізуде. Мұндай жағдайда олар мемлекеттік бюджетке кіреміз деп үміттенеді, соның арқасында ауданда жолдар, мектептер, балабақшалар мен медициналық мекемелер салуға болады. Қазіргі уақытта бұл ауданда 8,5 мыңға жуық адам тұрады. Саяжай массивінің өзін саяжай қоғамының төрағасы басқарады. Соңғы 3 жыл ішінде оның қызметі жергілікті тұрғындар тарапынан үнемі сынға түсуде.
Лұқпан Ахмедьяров
