Атыраудың перинаталдық орталығының 28 дәрігеріне жұмыстан босату туралы өтініштеріне қол қойылды
Дәрігерлер перинаталдық орталықта 7 қарашаға дейін жұмыс істейді. Денсаулық сақтау басқармасында басқа өңірдегі әріптестердің көмегіне үміт артады.
Атырауда облыстық перинаталдық орталықтың 28 дәрігеріне жұмыстан босату туралы мәлімдемеге қол қойылды, деп хабарлайды «ҚазАқпарат»ХАА.
Өз еркімен жұмыстан босату туралы барлық өтінішті перинаталдық орталықтың 31 дәрігері берді. Үшеу өз өтінішін қайтарып алды.
«28 адамды жұмыстан босату туралы бұйрыққа қол қойылды. Бірақ олар 7 қарашаға дейін жұмыс істейтін болады», – деді облыстық денсаулық сақтау басқармасы басшысының міндетін атқарушы Гүлнафиз Танбаева.
Оның айтуынша, дәрігерлерді жұмыстан шығару перинаталдық орталықтың жұмысына әсер етпеуі тиіс.
«Басқа аймақтардағы әріптестерімізбен облыстың гинекологиялық қызметіне көмек көрсетуге келісім бар. Қалада мамандар жұмыс істейді. Дәрігерлер тобы келуі мүмкін», – деді Гүлнафиз Таңбаева.
Атыраудың перинаталдық орталығының қызметкерлері жаңа туған нәресте шетінегеннен кейін және перзентхананың басшысын қамауға алғаннан кейін жұмыстан босату туралы өтініш берді.
18 қазанда Атырау облысы денсаулық сақтау басқармасының басшысы Мәншүк Аймұрзиева қызметінен босатылды. Облыс әкімінің денсаулық сақтау саласына жетекшілік ететін орынбасары қатаң сөгіс алды.
Сондай-ақ оқыңыз:
