Ғалымдар адамзатқа «бұрын болмаған азап» келе жатқанын айтты
Әлемнің 153 елінің 11 мыңнан астам ғалымдары, Ресейді қоса алғанда, егер көмірқышқыл газының шығарындыларын азайту үшін шұғыл шаралар қолданбаса, адамзатты «айтып жеткізіе алмайтын азап» күтеді деп бекітілген құжатқа қол қойды. Зерттеушілердің жұмысы қоғамының BioScience ғылыми журналында жарияланды, деп хабарлайды Ресей Халықаралық ақпарат агенттігі «РИА Новости.

Мамандардың қорытындылары 40 жылдық бақылау барысында алынған ақпаратқа негізделген. Бұл деректер энергия тұтынуды, жер бетінің температурасын, халықтың көбеюін, ағашсызданудың қарқынын, полярлық мұздардың массасын, ЖІӨ мен көмірқышқыл газының шығарындыларын қамтиды.
ЖІӨ-жалпы ішкі өнім
Құжат авторларының бірі, Сидней Университетінің қызметкері Томас Ньюсомның айтуынша, ғалымдар бүкіл әлемді төтенше экологиялық жағдай туралы ескерте отырып, моральдық қарызды орындауы тиіс. Орегон штаты Университетінің әріптесі Уильям Риппл климаттық өзгерістер көптеген зерттеушілердің күткендегіден де тез дамып келе жатқанын айтты.
Мамандар адамзат жағдайды жақсарту үшін әлі де белгілі бір шаралар қабылдай алатынын атап өтті. Олар жаһандық жылынуды баяулату үшін қадамдар жасау қажет бірнеше саланы атады.
Атап айтқанда, ғалымдар қазба отынын жаңартылатын энергия көздеріне ауыстыруға, жоғары «көміртегі салықтарын» енгізуге, тұрақсыз ластағыштардың шығарындыларын қысқартуға, ЖІӨ-нің өсуіне және материалдық жағдайдың жақсаруына ұмтылудан бас тартуға, ормандарды жаппай кесуді тоқтатуға және жануарларды тамаққа аз тұтынуға шақырды.