Полиция полицейлермен болған ЖКО фактісі бойынша тергеуді бастады
Оралда полиция патрульдік машинасының қызды қағып кету фактісі бойынша қылмыстық тергеу басталды. Полиция басшылығы автокөлікті басқарған офицерді жұмыстан босатты. Оның үш басшысы сөгіс алды.

«Ағымдағы жылдың 18 қарашасында сағат 22.30-да Орал қаласында Жәңгір хан мен Брусиловский көшелерінің қиылысында патрульдік қызмет инспекторы полиция аға лейтенанты Баймұқашев (1993 ж.т.) қызметтік автокөлікті басқара отырып, жаяу жүргіншіні қағып кетті. 1998 ж. т. Орал қаласының тұрғынын. Қазіргі уақытта полиция қызметкері Баймұқашевке қатысты ҚР ҚК 345 — бабы 2-бөлігі (Жол қозғалысы ережелерін бұзу) бойынша сотқа дейінгі тергеу басталды», – делінген полицияның баспасөз хабарламасында.
Тәртіптік комиссия шешімімен бұл қызметкер ішкі істер органдарынан қызметтік тәртіпті өрескел бұзғаны үшін шығарылды. Сондай-ақ, оның тікелей командирлері мен басшылығы тәртіптік жауапкершілікке тартылды.
БҚО полиция департаментінің бастығы Генерал Махсудхан Аблазимов жол-көлік оқиғасынан зардап шеккен Лариса Бейсованың туыстары мен жақындарына кешірім сұрады.
«Мен өз қарамағындағылардың әрекеті үшін Бейсова Ларисаның туған-туыстары мен жақындарына шын жүрегімнен кешірім сұраймын. Өз тарапымыздан біз Ларисаға барлық көмек көрсетеміз. Оған тез арада сауығып кетуді тілейміз»,-делінген полицияның баспасөз хабарламасында.
Қазіргі уақытта 21 жасар Лариса Бейсова түндегі жасалған отадан кейін қалалық көпбейінді аурухананың жан сақтау бөлімінде жатыр. Оның есі әлі кірген жоқ, оның жағдайын дәрігерлер ауыр деп бағалайды. ЖКО нәтижесінде қыз ашық бас сүйек-ми жарақатын, бас сүйегінің сынуын алды және миы соғылды.