Орал билігі 10 жасар қыздың өмірін қиған жол-көлік оқиғасынан кейін жаяу жүргіншілер өткеліне шамдар орнатуда
Қала әкімдігі өткен түні 10 жасар қызды қағып кеткен жаяу жүргіншілер өткелін жарықтандыру жұмыстарын бастады. Куәгерлердің бірі жіберген бейнеде электр желілерін тартуды шенеуніктер мен жұмысшылардың талқылап жатқандығы көрінеді.
«ОА» журналистері әкімшілік тарапынан іс-әрекеттерге көз жеткізу үшін ЖКО орнына келді. Оқиға орнында қазір шам бағандарын орнату мақсатында жерді бұрғылап жатқан жұмысшылар жүр.
«ОА» журналистеріне Орал қаласының ТКШ және тұрғын үй инспекциясы бөлімінің басшысы Миржан Нұртазиев жаяу жүргіншілер өткеліне жарық орнату 350 мың теңге екенін айтты. Оның айтуынша, биыл Орал билігі 11 жаяу жүргіншілер жолын жарықтандыруды жоспарлап отыр.
Естеріңізге сала кетейік, өткен кешке Нұр көшесінде 7-ші және 9-шы шағын аудандар арасында жаяу жүргіншілер жолында 10 жасар қыз қайтыс болды. Бастапқыда жүргізуші қылмыс орнынан жасырынған, алайда «жедел ұстау» жоспары жарияланғаннан кейін-бірнеше сағат өткен соң көлік иесі ұсталып, уақытша ұстау абақтысына қамалды.
Алексей Воробьев, Фото Нұрлыбек Емранов
