Өз әйелін кепілге алған ер адам қамауға алынды. Оны, адамды кепілге алу мен зорлау бабы бойынша айыптауда
Орал қаласының тергеу соты 28 қарашада жұбайын кепілдікке алған Ерлан Исламғалиевті екі айға қамауға алуға санкция шығарды.
Ерлан Исламғалиевтің тергеу жұмыстары жүріп жатқанда қайда болатынын, бүгін тергеу соты шешкен болатын. Полиция сотқа күдіктіге қатысты Қылмыстық кодекстің екі бабы бойынша айыптау актісін ұсынды — 261-баптың, 2-бөлімі. «Адамды кепілге алу және ұстау», сондай-ақ жыныстық зорлық туралы бап бойынша.
Бұлтартпау шарасын таңдау жөніндегі сот отырысы жабық режимде өтті. Облыстық соттың баспасөз қызметі тергеу судьясы күдіктіні екі айға қамауға алу туралы қаулы шығарғанын хабарлады.
Естеріңізге сала кетейік, 1978 жылы туылған Ерлан Исламғалиев 28 қарашада 6 сағаттан астам уақыт бойы жұбайын пышақпен және гранатамен қорқытып, кепілдікке алған болатын. Ол полициямен көп сағаттық келіссөздерден кейін әйелді босатуға келісті.
