ІІМ министрі БҚО-ға арнайы комиссия жіберді

Соңғы уақытта облыста полицейлердің қатысуымен үш қайғылы ЖКО орын алды. Ішкі істер министрі Ерлан Тұрғымбаев Оралға арнайы тексеру жіберді, ал республиканың ІІМ-де полиция қызметкерлерінің шені мен қызметіне қарамай қатаң сұрау болатынын  хабарлады.

— Егер біз бұған дейін мундирдің абыройы үшін жасыруға тырысатын болсақ, бүгінде өмірдің шынайылығы бұл туралы айту және көрсету керектігін көрсетеді. Мен Оралға тексеру жібердім. Онда бірінің артынан бірі үш төтенше оқиға болды. Бұл қызметкерлердің басшылары жазаланды, олардың бір бөлігі атқаратын қызметінен босатылды. Әрбір бағынышты адам үшін бастық жауапты болуы тиіс, өйткені ол өзінің кадрлық құрамын таңдайды, ол олармен жұмыс істеуі тиіс. Қазақстандық полицияның барлық жұмысын, соның ішінде бірінші басшыларын толық қайта құру үшін екі жылдай уақыт қажет,-деп хабарлады ҚР Ішкі істер министрі Ерлан Тұрғымбаев.