Орал билігі жаңа жылды мерекелеуге алты миллион теңге бөлді

Қала бойынша түрлі аудандарда жеті шырша орнатылады. Жаңа жылдық іс-шаралар басталып та кетті, ол 31 желтоқсанда Тұңғыш Президент алаңында аяқталады. Сол жерде қаланың басты шыршасын орнатып, мерекелік отшашу ұйымдастырылады.

— Шыршалар Тұңғыш Президент алаңына, Абай алаңына, қалалық мәдениет және демалыс саябағына, Орал жағалауына, Деркөлде, Зашаған мен Круглоозерныйға орнатылады. 24 Желтоқсанда Қаланың бас шыршасында иллюминация мен жарық гирляндаларын салтанатты жағу болады. 27-31 желтоқсан аралығында Островский атындағы драма театрында балаларға арналған «Аяз Атаның қатесі»атты қойылым өтеді. 31 желтоқсанда Тұңғыш Президент және Абай алаңында жаңа жылдық концерттер өткізіледі, мереке отшашумен аяқталады, — деп хабарлады қала әкімдігінің баспасөз қызметі.

Сондай-ақ, баспасөз қызметінде іс-шаралар уақыты қосымша хабарланатынын және биылғы шырша өткен жылдың шыршаларымен сәнделетінін атап өтті.

Мария Драчева