Оралда көше жолдарын қопарып тастады
Орал әкімдігі «Көшені абаттандыру жұмысы» бойынша көше жолдарын тас-талқанын шығарды.
Бүгін біздің редакцямызға бір оқырманымыз шағымданды. Оның айтуынша, қараша айының 11 күні Әбілхайыр хан 157 тұрғын үйдің және «Жайық» сауда үйінің алдындағы көше жолдарын қопарып кеткен. Осы шағымнан кейін біз оқиға орнына барып өз көзімізбен көрген болатынбыз. Шын мәнісінде көше жолдары тас-талқаны шыққан және қоршауға алынбаған. Бұл жағдай туралы біз Орал қалалық әкімдігінің баспа сөз хатшыларымен тілдестік.
-Я, қараша айының басында көше жолдарын бұзғаны рас. Бұған үлкен дау тудыртудың қажеті жоқ. Жаңа заңнамаға сәйкес «Көшені абаттандыру» бойынша жұмыс жасалды. Қазіргі кезде күн райының салқындауына байланысты жұмыс тоқтатылды. Бірақ көктем айларында жалғасады. Адамдардың қауіпсіздігі үшін қопарылған жерлерді қоршау жақын арада шешімін табады,- деді.
Асқарбек Санақов
