Оралдың азаматтық белсендісі Аяз Атадан Қазақстан Президенттерін Колымаға жіберуді сұрады

Бүгін, 24 желтоқсанда, азаматтық белсенді Эрик Жұмабаев Мәншүк Мәметова алаңына шықты. Белсенді ұстаған плакатта: «Аяз ата, өзіңе солтүстікке қарай, Колыма болса тіпті жақсы, екі адамды ала кет» деп жазылған.

Осылайша, Эрик Жұмабаев Қазақстанда саяси реформаларды талап етті – өйткені Аяз Ата Колымаға алып кетуі тиіс «екеуі» Қазақстанның бұрынғы және қазіргі президенттері.

— Мен елдегі саяси реформаларды қалаймын. Халықтың үнсіздігі билік тарапынан қылмысқа әкеледі. Мен қазір Қазақстандағы жағдайға үнсіз қала алмаймын. «Екі адамның» игілігі үшін еліміздің барлық халқы зардап шегуде. Біз дамыған 30 елге қарай бара жатқан жоқпыз, біз «солтүстікке» қарай кетіп барамыз, — деді Эрик Жұмабаев қала алаңында .

Ол сондай-ақ оған билік тарапынан тұрақты бақылау жүргізіліп жатқанын және оны ұстап алу кезінде тіпті мүгедектер арбасына да қарамайтынын айтты.

— Мені ұстағандарға айттым-мен адамдарға үнсіздікті тоқтатайық, деп айту үшін жұмыс күндері пикеттерге шығамын. Билік халыққа қызмет етуі керек, ал біздің билік билеушілердің рөлін атқарады, – деп қорытындылады белсенді.

20 минуттан кейін ол өз акциясын аяқтады. Наразылық акциясын Оралдық блогер және белсенді Аскар Шайгумаров түсіріп тұрды.

Асқарбек Санақов