БҚО-да қаза болған Запрометовтар отбасы Ресейде жерленеді
Янайкиндік кәсіпкер Александр Запрометовті, әйелі Валентина мен ұлы Сергейді қызы тұратын Ресейде жерлейді. Ертең Оралда қаза тапқандармен қоштасу өтеді.
Алдағы жерлеу туралы ақпаратты Янайкин ауылдық округінің әкімі Ауған Алмурзин айтып берді. Оның айтуынша, мұндай шешімді Новокуйбышевскіде тұратын Александр мен Валентина Запрометовтардың қызы Наталья Белова қабылдады.
– Қоштасу ертең, 17 қаңтарда, «Талап» АҚ-да, таңғы сағат 11:00-де болады. Отбасын Ресейде жерлейді, – деді Ауған Алмурзин.
Естеріңізге сала кетейік, қаңтардың 14-і күні Янайкино ауылында Запрометовтар отбасы қаза тапты. Өрт сөндіру есебі сағат 22: 40-та ауылдың шетінде жұбайымен тұратын 66 жастағы Александр Запрометовтің жанып жатқан үйін сөндіруге келді. Үйдің төбе жабыны жанып жатты. Өрт сөндіру кезінде үйде пышақ жарақатының ізімен үш мәйіт табылды.
Қаза тапқан Александр Запрометов, оның жұбайы Валентина және олардың 42 жасар ұлы болды. Полиция үш кісі өлтіру фактісі бойынша қылмыстық іс қозғады. Жергілікті тұрғындар отбасы өте қарапайым деп сипаттап, ешкіммен керіспегенін айтады.
Қайғылы оқиға туралы мақаларды төменнен оқи аласыз:
