Қазақстанның Денсаулық сақтау министрлігінде коронавирус мәселелері бойынша call-орталық құрылды
Азаматтар тәулік бойы әлемдегі коронавирус ауруы туралы, сондай-ақ аурудың алдын алу шаралары мен негізгі белгілері туралы барлық ақпаратты біле алады.
Cаll-орталығының нөмірлері 1406, +7 717 2 76 80 43
Орал әуежайында коронавирустық инфекциямен ауыратын науқас анықталған жағдайда арнайы жаттығу сабағы өткізілді. Осылайша, инфекцияны анықтауға және адамға алғашқы көмек көрсетуге бағытталған барлық қызметтер мен ведомстволардың дайындығы тексерілді.
Оқу-жаттығуды облыстық денсаулық сақтау басқармасы, жедел медициналық жәрдем станциясы, обаға қарсы күрес станциясы, БҚО дезинфекция орталығы және әуежай мамандарымен бірлесіп, тауарлар мен қызметтердің сапасы мен қауіпсіздігін бақылау департаменті өткізді.
— Коронавирусты тек зертханалық зерттеулер растай алады. Мұндай жағдайда бізде БҚО денсаулық сақтау басқармасы базасында ведомствоаралық штаб құрылды,- деді Орал қаласының Көліктегі тауарлар мен қызметтердің сапасы мен қауіпсіздігін бақылау бөлімшелік басқармасының басшысы Айтқали Батыров.
Аурудың негізгі белгілері:
— Жоғары дене температурасы, 380 және одан жоғары
— Жалпы әлсіздік
— Жөтел
— Ентігу, тыныс алудың қиындауы
Аса ауыр жағдайларда инфекция пневмония, ауыр жіті респираторлық синдром, бүйрек жеткіліксіздігінен кейін, өлім тудыруы мүмкін.
