Оралда оқушы бала газ баллонның жарылысынан қаза тапты
Қайғылы оқиға 1 ақпанда сағат 11.30-да Ташкент көшесіндегі №26 үйде орын алған. 15 жасар жасөспірім жедел жәрдем келгенше көз жұмды. Үйден әйел мен тағы бір бала құтқарылды.
— Бұл үйде газбен жағдай үш жыл бұрын орын алған. Үй жалпы газ құбырынан ажыратылғанмен, үй иесі өз еркімен газ желісіне қосылған. Сол кезде оны ұстап, айыппұл салып, қайтадан кесіп тастаған, сондықтан ол үйді газ баллонымен жылытқан. Бала тамақ дайындап жатқанда, газ баллонынан газ шығып, жарылып кеткен,-дейді көршісі Вячеслав.
Көрші үйден құтқарылған әйелді баланың өгей анасы деп атады. Оның 5 жасар ұлы да құтқарылды.
БҚО ТЖД-да өрт сөндіру және авариялық-құтқару жұмыстары қызметінің қызметкерлері үйдің кіре берісінен елу литрлік газ баллонын алып шыққанын хабарлады.
Нана Иксанова
