«Батыс су арнасы»: жетіспеушілік бар, ұрлық жоқ. Коммуналшылар алынбаған есептегіштермен жағдайды түсіндірді.
Орал қаласындағы су жеткізуші Монополист — 15 млн.теңге жымқырылғаны туралы жаңалыққа ерекше назар аударды. «Батыс су арнасы» басшылығы «Орал апталығы» мен «Менің қалам» редакциясында мақаланы теріске шығару мәтінін жіберді. Монополист бірінші жаңалықты дайындау кезінде және төменде келтірілген теріске шығару кезінде қарама-қайшы ақпарат бергендіктен, біз төменде мәтіндегі ақпараттың шынайылығына кепілдік бере алмаймыз.
«БАҚ-қа, атап айтқанда, ақпараттық ресурстар «Менің қалам» және «Орал апталығы» газеттеріндегі мақалаларды теріске шығару»
15 млн теңге жымқыру туралы ақпарат дұрыс емес екенін хабарлаймыз.
Бұрын, 26.01.2016 ж. №1 сенімгерлік басқарудың үлгі шартына сәйкес, «Батыс су арнасы» ЖШС 2016 жылдан бастап 2019 жылдың қыркүйегіне дейін сенімгерлік басқаруда болды.
Кейіннен «Батыс су арнасы» ЖШС сенімгерлік басқаруда болған уақытта, 25.01.2019 жылғы төлем шотына сәйкес, Сенімді басқарушының нұсқауы бойынша «Барс Сервис» ЖШС есептеу құралдарын жеткізгені үшін 15 млн теңге аударылды.
Бұл қаржылық операция азаматтық-құқықтық сипатта болады, өйткені «Өнімді жеткізуші» келісімді бұза отырып «Тапсырыс берушіге» тауар (суды есепке алу құралдары) бермеген және бұл жағдайда сенімсіз өнім беруші деп танылады.
БҚО сенімгерлік басқармасы мен қаржы басқармасы арасындағы үлгі шартты бұзғаннан кейін аудиторлық тексеру жүргізілді. Аудиторлық тексеріске сәйкес, 8 млн теңге мөлшерінде жетіспеушілік анықталды.
Кейіннен БҚО қаржылық бақылау департаментімен тексеру жүргізілді. Бұл жетіспеушілік расталды және материалдар БҚО экономикалық тергеу департаментіне жіберілді.
Жүргізілген талап-арыз жұмысының нәтижесінде 15 млн теңге «Батыс су арнасы» ЖШС-не толығымен қайтарылды.
Осыған байланысты 15 млн теңге жымқыру туралы ақпарат дұрыс емес және уақытынан бұрын жазылған болып табылады!»- делінген «Батыс су арнасы»ЖШС баспасөз хабарламасында.
Естеріңізге сала кетейік, өткен жылдың қыркүйек айында «Батыс су арнасы» ЖШС «Су ресурстары — маркетинг» ЖШС сенімді компаниясының басқаруынан шыққан соң, кәсіпорында 15 миллион теңге көлемінде ақша қаражатының жетіспеуі байқалған. Бұл ақшаға кәсіпорынның бұрынғы басшылығы су өлшегіштерді сатып алған-мыс.
