15 жасар қыз Оралдағы жеке үйге мас күйінде және есірткінің әсерінен көлікпен кіріп кеткен
Орал қаласының 15 жасар оқушысы ішімдік ішкен мас күйінде жеке үйге көлікпен кіріп, үй қабырғасын құлатқан.Кейін қыздың қанынан есірткі әсері бар дәрілік зат — метадон қалдықтары табылды.
Апат 6-шы қаңтарда кешкісін орын алды. Сол кезде мектеп оқушысы Volkswagen Golf VI маркалы автокөлікті басқара отырып, Кусаинова 1 мекен-жайы бойынша Лидия Фалинаның үйіне кіріп, қабырғаға соғылды. Оқиға туралы қазір таныстарының үйінде тұрып жатқан зейнеткердің өзі айтып берді.
– Сол кеште біз күйеуімнің садақасына дайындалдып жаттық, кенеттен жарылыс болған сияқты, біздің үйге машина кіріп кетті. Полиция қызметкерлері келді, рульде отырған 15 қыз мас екен және оның қанынан есірткі тапты. Біздің үйіміз апатты деп танылды, енді біз онда тұра алмаймыз — өйткені ол құлап кетуі мүмкін, — деді әйел.
Ол сондай-ақ, көлік 30 жасар Ренат Арслановқа тиесілі екенін айтты. Лидияның айтуынша, ер адам оған қандай да бір залалды өтеуден бас тартады, ал осы іс бойынша сот процесі әлі күнге дейін өтпеген.
— Ол маған былай деді: «Сен, кемпір, менің ақшамды ала алмайсың, тіпті тырыспа», – деді зейнеткер.
Қазір Лидия, оның қызы және екі кәмелетке толмаған баласы үй апатты деп танылғандықтан таныстарда тұруға мәжбүр.
Сол күні жолаушы орындығында отырған көлік иесі Ренат Арсланов жол-көлік оқиғасының қалай болғанын айтып берді.
— Ол қызбен әлеуметтік желі арқылы таныстым, ол жасым 19-да деп айтты. Сол кеште біз онымен және оның 18 жасар құрбысымен көлікпен қала ішінде қыдырдық, содан кейін Атоян стадионының жанында тоқтадық, мен 10 минутқа шығып кеттім . Келгенімде қыз автокөлік рөлінде отырды, мен жолаушы орындығына жайғастым, машинаға абай бол дедім. Автокөлік істеп тұрды, ол газ педаліне бірден басып қалғанда — біз қабырғасына соғылдық. Оның қанынан есірткінің қалдықтары табылғанын және оның жасы 15-і болғанын соңынан білдім, – деп сендірді ер адам.
Айта кету керек, сол кеште қыздар жеңіл мас күйінде болған, бірақ Ренат қыздар өз әрекеттеріне жауап беретін жағдайда болғандықтан, рөлге отыруға рұқсат бердім дейді
– Мен рульге ешқашан мас болып отырған жоқпын. Ол газды басқан кезде мен жай әрекет етіп үлгермедім. Қазір менің жүргізуші куәлігімді алып қойды, алайда, қандай мерзімге екені соттан кейін белгілі болады. Көлігіммен жүрмеймін, оны қалпына келтіру керек. Мен Лидия Фалинаға ақшадан бас тартпадым — егер сот солай шешсе, оларды беремін, бірақ оның үйіне кіріп кеткен мен емеспін ғой, – деп қосты ер адам.
Ренат Арсланов жергілікті баспаханалардың біріне ие.
БҚО полиция департаментінің баспасөз қызметі қыздың жеңіл алкогольдік мас күйінде болғанын және оның қанынан метадон қалдықтарын тапқанын растады:
— Иә, мұндай жағдай шынымен орын алды. 15 жасар қыз баланың қанынан есірткі табылды, қазір бұл іспен полиция айналысуда, – деп хабарлады БҚО ІІД баспасөз қызметінің жетекшісі Болатбек Белдібеков.
Қазір Фалиндер үйіне келтірілген шығынның бағасы есептелуде, келесі сот процесінің күні әзірге белгісіз.
Алексей Воробьев
