Оралдықтар ТИЗО-да қайтыс болған азаматтық белсенді Дулат Ағәділовті еске алды
Бүгін, 27 ақпан 2020 жылы, белсенді Дулат Ағәділовті жерлеу күні, Абай алаңында Оралдың отызға жуық тұрғыны еске алу үшін жиналды.
Абай алаңы акция басталғанға дейін полициямен қоршалған. Орал қаласы әкімдігінің артқы ауласында бес УАЗ автокөлігі мен облыс әкімдігінің жанында хакка түсті үлкен әскери машина тұрды. Акцияға дейін бірнеше минут бұрын алаңға жақын маңдағы орындықтардың жер-жерінде қара медициналық маска таққан, штаттағы адамдар отырды. Кейінірек бұл адамдар болған жағдайды ашық бейнеге түсіре бастады.
Сағат 10-00-де жиналғандар марқұм белсендінің суреті мен «Бізді сындыра алмассың» деген жазуы бар плакатты қолға алып, наразылық акциясын бастады.
«Біз Дулат Ағәділовтің отбасына көңіл айтқымыз келеді. Дулат Ағәділовтің қаны биліктің мойнында. Бүгін Дулат қайтыс болды, ал ертең мүмкін, арамыздан тағы біреу», – деді жиналғандар.
Медициналық бетперде киген адамдар болған оқиғаны бейнеге түсіріп тұрды. Өтіп бара жатқандар да митингке шыққандарға қосылып жатты. Айта кетерлігі, акция кезінде бірде-бір митингке қатысушыны құрықтамады, сондай-ақ ішкі саясат басқармасының қызметкерлері митингті тоқтату туралы өтініш білдірген жоқ. Наразылық акциясы бір сағатқа созылып, дұға бағыштаумен аяқталды.
Естеріңізге сала кетейік, адамның құқықтары мен бостандықтарын сақтау үшін күресіп жүрген 43 жасар азаматтық белсенді және блогер Дулат Ағәділов осы жылдың 24 ақпанында Нұр-сұлтанның ТИЗО жеткізіліп, 25 ақпан күні таңғы сағат 8-де қайтыс болған. Нұр-сұлтан полиция департаментінің баспасөз қызметінің ақпараты бойынша, өлімнің алдын ала себебі-«өткір жүрек жеткіліксіздігі». Сонымен қатар, Дулат Агәділовтің жеке басын білетін адамдар белсенді ішпейтінін, темекі тартпағанын, денсаулығына шағымданбағанын, сондай-ақ ТИЗО-ға «штаттағы адамдар» оны күш қолдану арқылы жеткізгенін хабарлады. Бірнеше күн қатарынан Қазақстанның түрлі қалаларында Дулат Ағәділовтің қайтыс болуына байланысты наразылық акциялары өтті. Акцияның басым бөлігін полиция қызметкерлері басып тастады. Белсенділер бұл оқиғаға байланысты полиция нұсқасына сенбейді, саяси ұстанымына байланысты белсенді кісі қолынан қаза тапты деп санайды.
Бүгін, Астана маңындағы Талапкер ауылында белсенді жерленді. Дулат Ағәділовтің артында жары мен алты баласы қалды.
Акмарал Федорова
Фото: Артем Букреев
