«Біз зорлау болғанын айта алмаймыз» — полицияда Оралдағы кәмелетке толмағанмен болған жағдайға түсініктеме берді
9-шы наурызда қыздың анасы полиция департаментіне қызын зорлау туралы арызданған. Қазір полиция қажетті сараптама жүргізіп, тергеу шараларын жалғастыруда.
— Біз әлі зорлау болғанын айта алмаймыз. Біз ананың жүгіну фактісін тіркеп, қазір қажетті іс-шаралар мен сараптамалар жүргізудеміз. Біз қазірдің өзінде күдіктілер тобын анықтадық, олардың ішінде кәмелеттік жасқа толған және 18 жасқа толмаған адамдар бар,-деді БҚО ІІД бастығының орынбасары Асхат Теміржанов.
Оның айтуынша, аталған оқиға орын алған пәтер жалдамалы болған, қазір кәмелет жасына толмағандарға кім пәтер жалдауға рұқсат бергендігі тергелуде. Тергеу жалғасып жатқан және кәмелетке толмаған жәбірленушінің жасына байланысты басқа ақпаратты полицияда жарияламаған.
Естеріңізге сала кетейік, 8 наурызда болған оқиға кеше, 12-ші күні белгілі болды. Мектеп оқушыларын зорлау туралы ақпаратты білім бөлімінде де жанама түрде растады. Онда сондай-ақ 3 сәуірге дейін жалғасатын ата-аналар жиналыстары туралы хабарлады, онда ата-аналар мұндай жағдайларға жол бермеу үшін өз балаларының қауіпсіздік шаралары туралы түсіндіреді.
